പശ്ചിമബംഗാളില് വര്ഗീയ പരാമര്ശം ആവര്ത്തിച്ച് ബിജെപി നേതാവ് സുവേന്ദു അധികാരി. താന് നന്ദിഗ്രാമിലെ ഹിന്ദുക്കള്ക്ക് വേണ്ടി മാത്രം പ്രവര്ത്തിക്കുമെന്നാണ് പരാമര്ശം. മുസ്ലീങ്ങളെല്ലാം വോട്ട് ചെയ്തത് തൃണമൂലിന് വേണ്ടിയാണെന്നും അതുകൊണ്ട് നന്ദിഗ്രാമിലെ ഹിന്ദുക്കള്ക്കായി പ്രവര്ത്തിക്കുമെന്നുമാണ് പറഞ്ഞത്. ബംഗാളില് കണ്ടത് സനാതന ധര്മ്മത്തിനായുള്ള വിജയമെന്നും സുവേന്ദു അധികാരി പറഞ്ഞു. തെരഞ്ഞെടുപ്പ് കാലത്തുടനീളം ഹിന്ദു മുസ്ലിം വര്ഗീയ പരാമര്ശങ്ങള് തുടര്ന്ന സുവേന്ദു അധികാരിക്ക് ഫലം വന്നപ്പോഴും മാറ്റമില്ലെന്നാണ് വ്യക്തമാകുന്നത്. അതേസമയം, ബംഗാളിലെ സംസ്ഥാന ഭരണവും ഒപ്പം തന്റെ മണ്ഡലവും നഷ്ടമായ മമതാ ബാനര്ജിക്ക് ഇനി തിരിച്ചുവരവ് എളുപ്പമല്ല. ബിജെപിയുടേത് അധാര്മിക വിജയം എന്ന് വിമര്ശിക്കുന്ന മമത വൈകിട്ട് നാലുമണിക്ക് മാധ്യമങ്ങളെ കാണും.
‘നന്ദിഗ്രാമിലെ ഹിന്ദുക്കള്ക്ക് വേണ്ടി മാത്രം പ്രവര്ത്തിക്കും’; പശ്ചിമബംഗാളില് വര്ഗീയ പരാമര്ശം ആവര്ത്തിച്ച് സുവേന്ദു അധികാരി
