വൈക്കം: വൈക്കം മഹാദേവ ക്ഷേത്രത്തിൽ അഷ്ടമി മഹോത്സവത്തിന്റെ ചടങ്ങുകൾക്ക് തുടക്കം കുറിക്കുന്ന പുള്ളിസന്ധ്യവേല ഇന്ന് ആരംഭിക്കും. രാവിലെ 8ന് എതൃത്ത ശ്രീബലിക്കായി വൈക്കത്തപ്പന്റെ തിടമ്പ് പുറത്തേക്ക് എഴുന്നള്ളിക്കും. ഗജവീരൻ കണ്ടിയൂർ പ്രേംശങ്കർ തിടമ്പേറ്റും. വിവിധ വാദ്യമേളങ്ങളുടെ അകമ്പടിയോടെ ക്ഷേത്രത്തിന് മൂന്ന് പ്രദക്ഷിണം പൂർത്തിയാക്കി എഴുന്നള്ളിപ്പ് സമാപിക്കും. വൈകിട്ട് 8 ന് വിളക്ക് എഴുന്നള്ളിപ്പ് നടക്കും.
വൈക്കം: വൈക്കം ഉപജില്ലാ ശാസ്ത്രോത്സവം കുലശേഖരമംഗലം ഗവ. ഹയർസെക്കന്ററി സ്കൂളിൽ ഇന്നും നാളെയും നടത്തും. 69 സ്കൂളുകളിൽ നിന്നായി 2500ഓളം വിദ്യാർത്ഥികൾ വിവിധ മത്സരങ്ങളിൽ മാറ്റുരക്കും . ശാസ്ത്രം, ഗണിതശാസ്ത്രം, സാമൂഹ്യശാസ്ത്രം, പ്രവർത്തിപരിചയം, ഐടി എന്നീ മേഖലകളുമായി ബന്ധപ്പെട്ട വിഷയങ്ങളിലാണ് മത്സരം.
വൈക്കം : നഗരസഭ 26-ാം വാർഡിൽ പൂന്തോടത്ത് ഭാഗത്തെയും ഉദയനാപുരം പഞ്ചായത്തിൻറെ ശ്രീനാരായണപുരം വിജാഗിരി ഫാക്ടറി റോഡിനെയും ബന്ധിപ്പിക്കുന്ന പാലത്തിന് എംഎൽഎ – സി കെ ആശ ശിലാ സ്ഥാപനം നിർവഹിച്ചു. പൂന്തോടത്ത് ചേർന്ന യോഗത്തിൽ വൈക്കം നഗരസഭ അധ്യക്ഷ പ്രീത രാജേഷ് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡൻറ് എസ് ബിജു , ഉദയനാപുരം പഞ്ചായത്ത് പ്രസിഡൻറ് ശ്രീമതി പി കെ ആനന്ദവല്ലി , നഗരസഭ വൈസ് ചെയർമാൻ പി. റ്റി സുഭാഷ് വൈക്കം നഗരസഭ…
വൈക്കം: വേമ്പനാട്ടുകായലിൽ പോളശല്യം രൂക്ഷം. വൈക്കം-തവണക്കടവ് റൂട്ടിൽ സർവീസ് നടത്തുന്ന ബോട്ട്, ജങ്കാർ, സർവീസുകൾക്കും മത്സ്യത്തൊഴിലാളികൾക്കും ഇതു ഭീഷണിയാകുന്നു. യന്ത്രത്തിന്റെ പങ്കയിൽ പായൽ ചുറ്റി തകരാറിലാകുന്നത് സർവീസുകൾക്ക് പ്രതിസന്ധി സൃഷ്ടിക്കുന്നുണ്ട്. വൈക്കം, തവണക്കടവ് ജെട്ടി എന്നിവിടങ്ങളിൽ ബോട്ടും ജങ്കാറും അടുക്കുന്ന ഭാഗത്ത് പോള നിറഞ്ഞതു മൂലം ഗതാഗതത്തിന് ഏറെ സമയ നഷ്ടം വരുത്തുന്നതായി ജീവനക്കാർ അറിയിച്ചു. കായൽത്തീരങ്ങളിൽ പോള അടിഞ്ഞതോടെ മീൻപിടിക്കാൻ പറ്റാത്ത സാഹചര്യമാണ്.
വൈക്കം : ഇൻഡ്യയെ പ്രതിനിധീകരിച്ച് BFA വുമൺ ഏഷ്യാ കപ്പ് ബേസ്ബോൾ ചാമ്പ്യൻഷിപ്പിൽ പങ്കെടുക്കുവാൻ ഇന്ന് ചൈനയിലേക്ക് യാത്രയാവുന്ന ആലുവ യു സി കോളേജ് ബിരുദ വിദ്യാർത്ഥിനിയും വൈക്കം ഉദയനാപുരം സ്വദേശിയുമായ കീർത്തന ബി.ക്ക് ബി.ജെ.പി നേതാക്കൾ ആദരവും യാത്രയയപ്പും നൽകി. ബി.ജെ.പി കോട്ടയം ജില്ലാ കമ്മറ്റിക്കു വേണ്ടി ജില്ലാ സെക്രട്ടറി രൂപേഷ് ആർ. മേനോനും വൈക്കം മണ്ഡലം കമ്മറ്റിക്കുവേണ്ടി മഹേഷ് കുമാറും കീർത്തനയെ പൊന്നാട അണിയിച്ച് ആദരിച്ചു. കീർത്തനയുടെ വിജയങ്ങൾ മറ്റ് കുട്ടികൾക്ക് പ്രചോദനമാകട്ടെയെന്ന് രൂപേഷ്…
വൈക്കം: വൈക്കം ∙ പൊതു കടവിലേക്കുള്ള വഴിയിൽ വാഹനം കടക്കാത്ത രീതിയിൽ മതിൽ കെട്ടാനുള്ള സ്വകാര്യ റിസോർട്ട് ഉടമയുടെ നീക്കം തൊഴിലാളികൾ തടഞ്ഞു. മറവൻതുരുത്ത് പഞ്ചായത്തിൽ തറവട്ടം കക്കാതോട് പാലത്തിനടുത്താണ് സംഭവം. മത്സ്യത്തൊഴിലാളികൾ മത്സ്യവും കക്കയും വണ്ടിയിൽ കയറ്റുന്ന കടവാണിത്. ഇന്നലെ പുലർച്ചെ മത്സ്യബന്ധനം കഴിഞ്ഞു മടങ്ങുമ്പോഴാണു മതിൽ കെട്ടുന്നതു തൊഴിലാളികൾ അറിഞ്ഞത്. മത്സ്യത്തൊഴിലാളികളുടെ പ്രതിഷേധം ശക്തമായതോടെ മതിലിന്റെ പണി തൊഴിലാളികൾ നിർത്തി.
വൈക്കം: നവംബർ 11 മുതൽ 14 വരെ വൈക്കം സെൻ്റ് ലിറ്റിൽതെരേസാസ് ഹയർസെക്കണ്ടറി സ്കൂളിൽ നടക്കുന്ന വൈക്കം ഉപജില്ലാ കലോൽസവത്തിൻ്റെ സംഘാടക സമിതി രൂപീകരിച്ചു.സ്കൂൾ ഓഡിറ്റോറിയത്തിൽ നടന്ന രൂപീകരണ യോഗം വൈക്കം എം എൽ എ സി കെ ആശ ഉദ്ഘാടനം ചെയ്തു.ജില്ലാ പഞ്ചായത്തംഗം പി എസ് പുഷ്പമണി മുഖ്യ പ്രഭാഷണം നടത്തി.സ്കൂൾ മാനേജർ ഫാ.ബെർക്ക്മാൻസ് കൊടയ്ക്കൽ യോഗത്തിൽ അധ്യക്ഷതവഹിച്ചു.പി ടി എ പ്രസിഡൻ്റ്എൻ സി തോമസ് ,സ്കൂൾ ഹെഡ്മിസ്ട്രസ് മിനി അഗസ്റ്റിൻ ,പ്രിൻസിപ്പാൾ ഇൻ ചാർജ്…
വൈക്കം: വൈക്കം ക്ഷേത്രത്തിൽ വഴിപാട് ഇനത്തിൽ ലഭിച്ച 255.830 ഗ്രാം സ്വർണം നഷ്ടപ്പെട്ടതായി ഓഡിറ്റ് റിപ്പോർട്ട്. വഴിപാട് ഇനങ്ങളിലായി കിട്ടുന്ന സ്വർണം, വെള്ളി ഉരുപ്പടികൾ തിരുവാഭരണം റജിസ്റ്ററിൽ രേഖപ്പെടുത്തിയ ശേഷം ‘മുദ്രപ്പൊതി’ എന്നെഴുതി പൊതികളായാണ് സ്ട്രോങ്ങ് റൂമിൽ സൂക്ഷിക്കുന്നത്. വൈക്കം ക്ഷേത്രത്തിലെ സ്ട്രോങ് റൂമിൽ 199 സ്വർണ ഉരുപ്പടികൾ അടങ്ങിയ ഒരു പൊതിയും പിന്നെ വെള്ളി ഇനങ്ങളുടെ മറ്റൊരു പൊതിയും ഉണ്ടായിരുന്നു. ആ 2 പൊതികളിലുമായി ആകെ 2992.070 ഗ്രാം തൂക്കം ഉണ്ടെന്നാണു പൊതിയിൽ പൊതുവായി എഴുതിയിരുന്നത്….
വൈക്കം: അക്കരപ്പാടം പാലത്തിൽ നിന്നും പുഴയിലേക്ക് ചാടിയ വിദ്യാർത്ഥിനിയുടെ മൃതദേഹം കണ്ടെത്തി. വൈക്കം പാർത്ഥശേരി പ്രതാപന്റെ മകൾ പൂജ പി. പ്രതാപാണ് ( 17 ) മരിച്ചത്. അഗ്നിരക്ഷാ സേന ഒന്നരമണിക്കൂറോളം നടത്തിയ തിരച്ചിലിനൊടുവിൽ അക്കരപ്പാടം പാലത്തിന്റെ തെക്കുഭാഗത്തുനിന്നും മൃതദേഹം കണ്ടെത്തുകയായിരുന്നു. പാലത്തിലൂടെ കുറെ സമയം ഫോൺ ചെയ്തു നടന്ന വിദ്യാർഥിനി, പിന്നീട് പാലത്തിന്റെ കൈവരിയിൽ നിന്നും മുവാറ്റുപുഴയാറിലേക്ക് എടുത്തു ചാടുകയായിരുന്നു. കുലശേഖരമംഗലം കൂട്ടുമ്മേൽ സ്കൂളിലെ ഹയർസെക്കണ്ടറി വിദ്യാർത്ഥിനിയാണ് പൂജ.
വൈക്കം: വൈക്കം-വെച്ചൂർ റോഡിലെ പ്രധാന ജംഗ്ഷനായ ഇടയാഴത്തും ബണ്ട് റോഡിലും ഗതാഗതക്കുരുക്കും അപകടങ്ങളും പതിവാകുന്നു. റോഡിനു വീതിയില്ലാത്തതാണ് കാരണം. ദേശീയപാതയുടെ പണികൾ നടക്കുന്നതിനാൽ ഗ്യാസ് ലോറികളും ടാങ്കറുകളും ഉൾപ്പെടെ ഒട്ടേറെ വാഹനങ്ങളാണ് ഇതുവഴി പോകുന്നത്. ജംക്ഷനിൽ അപകടങ്ങൾ ദിനംപ്രതി വർധിക്കുകയാണെന്ന് വ്യാപാരികൾ പറഞ്ഞു. അനധികൃത പാർക്കിങ്ങും അപകടത്തിന് കാരണമാകുന്നുണ്ട്. കല്ലറ, വൈക്കം, വെച്ചൂർ ഭാഗങ്ങളിൽനിന്ന് രാവിലെയും വൈകിട്ടും ഒട്ടേറെ വാഹനങ്ങൾ ഒരേ സമയം എത്തുമ്പോൾ ഫലപ്രദമായി നിയന്ത്രിക്കാനാകുന്നില്ല.
