സെമിഫൈനലില് ഇംഗ്ലണ്ടിനെ തകര്ത്ത് അര്ജന്റീന ലോകകപ്പ് ഫൈനലില്. ഒന്നിനെതിരെ രണ്ട് ഗോളുകള്ക്കാണ് ജയം. തിങ്കളാഴ്ച നടക്കുന്ന ഫൈനല് പോരാട്ടത്തില് സ്പെയിനാണ് എതിരാളികള്. ത്രീ ലയണ്സിന്റെ നെഞ്ചകം പിളര്ന്ന മഹാദുരന്തം. ഇന്നലെ അറ്റ്ലാന്റയില് കണ്ടത് മധുരപ്രതികാരത്തിന്റെ നേര്ക്കാഴ്ചയാണ്. കാല്പ്പന്ത് പുസ്തകത്തിലെ ചോരപ്പുരണ്ട ആറാം അധ്യായമായിരുന്നു അത്. പതിറ്റാണ്ടുകളുടെ കനല് എരിയുന്ന കാല്പ്പന്ത് ലോകത്തെ ഏറ്റവും വലിയ കുടിപ്പകയുടെ നേര്ച്ചിത്രം. അറ്റ്ലാന്റയിലെ പുല്മൈതാനത്ത് കണ്ടത് യുദ്ധഭൂമിയിലെ പ്രതികാരത്തിന്റെ പ്രകമ്പനം. 1966ല് ഇംഗ്ലണ്ടിന്റെ മണ്ണില് അര്ജന്റീനന് ക്യാപ്റ്റന് അന്റോണിയോ റാറ്റിന് തലതാഴ്ത്തി പുറത്തേക്ക് മടങ്ങിയപ്പോള് മുതല് തുടങ്ങിയ വൈരമാണിത്.
ത്രില്ലര് പോരില് ഇംഗ്ലണ്ടിനെ തകര്ത്ത് അര്ജന്റീന ഫൈനലില്
