കടുത്തുരുത്തി: ശക്തമായ മഴയെ തുടർന്ന് ഓഫീസിനുള്ളിൽ വെള്ളം കയറിയതിനെ തുടർന്ന് കെ എസ് ഇ ബി ഓഫീസിന് മുകളിലെ ചോർച്ച പരിഹരിക്കാൻ കയറിയ കരാർ തൊഴിലാളിക്ക് ലാഡർ ഏണിയിൽ നിന്നും താഴെ വീണ് പരിക്കേറ്റു. കുറുപ്പന്തറ കെ എസ് ഇ ബി അസി.എൻജിനീയർ ഓഫീസിലെ കരാർ തൊഴിലാളി വെള്ളൂർ സ്വദേശി കെ.കെ കുഞ്ഞുമോൻ (45) നാണ് പരിക്കേറ്റത്.വെളളിയാഴ്ച രാവിലെ 9.30 ഓടെയാണ് അപകടം. സീലിങ്ങിന് മുകളിലെ ഷീറ്റിട്ടമേൽക്കൂരയിൽ നിന്നും മഴവെള്ളം താഴെ വീഴുന്നതിനെ തുടർന്ന് ഏണിയിൽ കയറി നിന്ന് സീലിങ്ങ് മാറ്റി ചോർച്ച പരിഹരിക്കാൻ കയറുന്നതിനിടെ തെന്നി താഴെ വീഴുകയായിരുന്നു. തലയ്ക്കും, മുഖത്തിനും കൈയ്ക്കും സാരമായി പരിക്കേറ്റ കുഞ്ഞുമോനെ സഹപ്രവർത്തകർ ചേർന്ന് ഉടൻ മുട്ടുചിറയിലെ സ്വകാര്യ ആശുപത്രിയിൽ പ്രവേശിപ്പിച്ചു.
