കോട്ടയം: നിര്ത്തിയിട്ടിരുന്ന ഗ്യാസ് ലോറിയില് കയറി തീകൊളുത്തി യുവാവ്. കമ്പികൊണ്ട് സിലിണ്ടര് കുത്തിത്തുറന്ന ശേഷം തീകൊളുത്തുകയായിരുന്നു. ഇന്നലെ അര്ധരാത്രി തലയോലപ്പറമ്പ് വെട്ടിക്കാട്ട് മുക്കിലാണ് സംഭവം. കസ്റ്റഡിയിലെടുത്ത യുവാവ് മാനസിക പ്രശ്നങ്ങളുള്ളയാളാണെന്ന് പൊലീസ് പറഞ്ഞു. വെട്ടിക്കാട് മുക്കം സ്വദേശിയായ ഡ്രൈവര് ഗ്യാസ് വാഹനം റോഡില് പാര്ക്ക് ചെയ്ത് വീട്ടിലേക്ക് പോകുകയാണ് പതിവ്. ഇന്നലെ വാഹനം നിര്ത്തി ഡ്രൈവര് വീട്ടിലേക്ക് പോയതിന് പിന്നാലെ വാഹനത്തില് അതിക്രമിച്ചുകയറി യുവാവ് കൈയില് കരുതിയ കമ്പി ഉപയോഗിച്ച് ഗ്യാസ് സിലിണ്ടര് കുത്തിത്തുറന്ന ശേഷം തീ കൊളുത്തുകയായിരുന്നു.
