വൈക്കം: വൈക്കം ∙ പൊതു കടവിലേക്കുള്ള വഴിയിൽ വാഹനം കടക്കാത്ത രീതിയിൽ മതിൽ കെട്ടാനുള്ള സ്വകാര്യ റിസോർട്ട് ഉടമയുടെ നീക്കം തൊഴിലാളികൾ തടഞ്ഞു. മറവൻതുരുത്ത് പഞ്ചായത്തിൽ തറവട്ടം കക്കാതോട് പാലത്തിനടുത്താണ് സംഭവം. മത്സ്യത്തൊഴിലാളികൾ മത്സ്യവും കക്കയും വണ്ടിയിൽ കയറ്റുന്ന കടവാണിത്. ഇന്നലെ പുലർച്ചെ മത്സ്യബന്ധനം കഴിഞ്ഞു മടങ്ങുമ്പോഴാണു മതിൽ കെട്ടുന്നതു തൊഴിലാളികൾ അറിഞ്ഞത്. മത്സ്യത്തൊഴിലാളികളുടെ പ്രതിഷേധം ശക്തമായതോടെ മതിലിന്റെ പണി തൊഴിലാളികൾ നിർത്തി.
