വ്യോമസേനയുടെ തേജസ് യുദ്ധവിമാനങ്ങള് ഗ്രൗണ്ട് ചെയ്തു. തുടര്ച്ചയായ അപകടങ്ങള്ക്ക് പിന്നാലെയാണ് നടപടി. ഈ മാസം ഏഴിന് ഒരു തേജസ് യുദ്ധ വിമാനം കൂടി റണ്വേ തെന്നിമാറി അപകടത്തില്പ്പെട്ടെന്നാണ് വിവരം. പരിശീലന പറക്കലിന് ശേഷമാണ് തേജസ് യുദ്ധവിമാനം വീണ്ടും അപകടത്തില്പ്പെട്ടത്. ഈ മാസം ഏഴാം തീയതി ഒരു ഫോര്വേഡ് ബേസിലായിരുന്നു അപകടം. നിസാര പരുക്കുകളോടെ പൈലറ്റ് രക്ഷപ്പെട്ടു. എന്നാല്, വിമാനത്തിന് കാര്യമായ നാശനഷ്ടമുണ്ട്. സാങ്കേതിക തകരാറിനെത്തുടര്ന്ന് വിമാനം റണ്വേയില്നിന്ന് തെന്നിമാറിയതാണ്. തേജസ് യുദ്ധവിമാനം ഉള്പ്പെടുന്ന മൂന്നാമത്തെ അപകടമാണിത്.
