ശബരിമല സ്വര്ണക്കൊള്ള കേസില് മുന് ദേവസ്വം ബോര്ഡ് അംഗം എന് വിജയകുമാര് അറസ്റ്റില്. എസ്ഐടിയുടെ കൂടിയാലോചനയ്ക്ക് ശേഷമാണ് നടപടി. എ പത്മകുമാറിന്റെ കാലത്തെ ദേവസ്വം ബോര്ഡ് അംഗങ്ങളായിരുന്നു എന് വിജയകുമാറും കെപി ശങ്കര്ദാസും. ഇരുവരുടെയും അറസ്റ്റ് നടത്താത്തതിനെതിരെ ഹൈക്കോടതി ചില വിമര്ശനങ്ങള് ഉന്നയിച്ചിരുന്നു. 2019ലെ ബോര്ഡ് മെമ്പര്മാരായ ശങ്കര്ദാസ്, എന് വിജയകുമാര് എന്നിവരെ എന്തിന് ഒഴിവാക്കിയെന്നും ഇവര്ക്കെതിരെ നടപടി എന്തുകൊണ്ട് എടുത്തില്ലെന്നും കോടതി ചോദിച്ചിരുന്നു. മറ്റ് പ്രതികളുടെ ജാമ്യപേക്ഷ തള്ളിക്കൊണ്ടാണ് കോടതിയുടെ പരാമര്ശം. ഇരുവരെയും മുന്പ് എസ്ഐടി ചോദ്യം ചെയ്തിരുന്നു.
