മുംബൈ∙ നവിമുംബൈയിലെ വാഷിയിൽ അപ്പാർട്മെന്റ് കോംപ്ലക്സിലുണ്ടായ തീപിടിത്തത്തിൽ മൂന്നു മലയാളികൾ ഉൾപ്പെടെ 6 പേർ മരിച്ചു. 10 പേർക്കോളം പരിക്കേറ്റിട്ടുണ്ട്. വാഷിയിലെ സെക്ടർ 17ലെ എംജി കോംപ്ലക്സിലെ റഹേജ റസിഡൻസിയുടെ ബി വിങ്ങിലാണു തീപിടിത്തമുണ്ടായത്. പുലർച്ചെ 12.40 നു ആണ് തീപിടുത്തമുണ്ടായത്. ഷോർട് സർക്യൂട്ട് ആണ് കാരണമെന്നാണ് നിഗമനം. അപ്പാർട്മെന്റിന്റെ 10, 11, 12 നിലകളിലാണ് തീപിടിത്തം ഉണ്ടായത്. 10ാം നിലയിലാണ് ആദ്യം തീപിടിത്തമുണ്ടായത്.
നവി മുംബൈയിലെ ഫ്ലാറ്റിൽ തീപിടിത്തം; 3 മലയാളികൾ ഉൾപ്പെടെ 6 മരണം
