ആത്മനിര്ഭര് ഭാരതത്തിന് കീഴില് ഉത്തര്പ്രദേശിലെ ലക്നൗവില് നിര്മിച്ച ബ്രഹ്മോസ് മിസൈലുകളുടെ ആദ്യ ബാച്ച് സൈന്യത്തിന് കൈമാറി. സരോജിനി നഗറിലെ ബ്രഹ്മോസ് എയ്റോസ്പേസ് യൂണിറ്റിൽ നിർമിച്ച ബ്രഹ്മോസ് മിസൈലുകളുടെ ആദ്യ ബാച്ച് പ്രതിരോധമന്ത്രി രാജ്നാഥ് സിംഗും മുഖ്യമന്ത്രി യോഗി ആദിത്യനാഥും ചേർന്ന് ഫ്ലാഗ് ഓഫ് ചെയ്തു. പ്രതിരോധ മന്ത്രാലയത്തിന്റെ ശക്തി വർദ്ധിപ്പിക്കുന്നതിനായി നിർമിച്ചിരിക്കുന്ന ലോകത്തിലെ ഏറ്റവും വേഗതയേറിയ സൂപ്പര് സോണിക് ക്രൂയിസ് മിസൈലാണിത്. ആക്രമണങ്ങളെ അടപടലം തകർത്തെറിയാനും ബ്രഹ്മോസ് മിസൈലിന് സാധിക്കും.
